博利物浦專拗頸

今晚英超有場好波，曼城主場對利物浦，係人都知紅軍係一班“海鮮波”，你睇好佢大勝時偏係僅僅熟甚至和畀你睇，對住升班馬史篤城同埋聯賽盃對克魯就係“代表作”。好啦！到你唔多睇好時就係咁贏。難怪人人都話，若要身體好，唔揀利物浦。至於今晚利物浦作客對住主場特醒的曼城，初盤要讓平手／半球，正路波當然讓唔起，但根據利物浦專“拗頸”性格，就一於博利物浦。

講真，利物浦的近況真係幾好，除咗和史篤城的比賽外，場場都贏到波，包括二比一擊敗死對頭曼聯以及在打吡戰二比○贏愛華頓，上周中的歐冠盃又三比一輕取燕豪芬，遇強越強的本色盡顯。

至於曼城，人腳唔差得過利物浦，羅賓奴、伊蘭奴、祖奧、胡禮菲臘斯和李察士都係國腳級球員，質素有番咁上下，近期狀態雖然一般，但主場確係唔差，弊在有種遇強腳軟的死症，對住車路士即刻慘敗，所以今晚對利物浦真係冇乜把握同埋優勢，受讓平手／半球，一於博利物浦。

推介：利物浦勝1:0